Дунёнинг энг бадавлат кишиларининг маблағи 2016 йилда 5,7 фоиз (ёки 237 миллиард доллар)га кўпайди ҳамда 4,4 триллион долларни ташкил қилди. 

Bloomberg агентлигининг ёзишича, сайёранинг энг бадавлат кишилари АҚШ ва Европадаги баъзи сиёсатчиларнинг ғалабасидан фақатгина фойда кўришган. Уларнинг умумий бойлиги йил давомида кескин ўзгариб турди.

Бундай ҳолат Хитойнинг жорий йил бошидаги иқтисодий кўрсаткичлари, Буюк Британияда Европа иттифоқидан чиқиш борасидаги референдум ва АҚШ президентлиги учун бўлиб ўтган сайловларда Дональд Трампнинг ғалаба қозонгани билан боғлиқ. 

Пул маблағларининг ўсиш даражаси бўйича биринчи ўрин Уоррен Баффеттга насиб этди: унинг бойлиги Трампнинг ғалабасидан сўнг 11,8 миллиард долларга кўпайди.

Ascent Private Capital Management президенти Майкл Коулнинг маълум қилишича: «Трамп томонидан АҚШ иқтисодиётининг катта қисмини қаттиқ назоратда ушлаб туриш тизимини енгиллаштирилиши бозорларга айни кунда ижобий таъсир кўрсатмоқда».