Филиппиндаги АҚШ элчиси мамлакат президенти Родриго Дутертени ағдариб ташлашга алоқадор келишув борлиги ҳақидаги маълумотни инкор этди. Бу ҳақда ABS-CBN маҳаллий телеканали хабар бермоқда.

“АҚШ давлат котиби Керри жорий йилнинг июль ойида Дутерте билан учрашган вақтида Қўшма Штатлар Филиппин суверенитети ва филиппин халқининг демократик танловини ҳурмат қилишини айтиб ўтган эди”, — деди элчихонада бўлган матбуот анжуманида Молли Косина.

Дутертенинг вакили Эрнесто Абелла 27 декабрь куни АҚШнинг бу борадаги хатти-ҳаракатлари унга маълум эканлигини айтиб ўтган эди. 
“АҚШ Давлат департаменти шунга яқин ишларни режалаштирганини инкор этмоқда”, — деди у.