Қатарда муҳожирлар сони ошиб бораётгани муносабати билан хусусий олий ўқув юртлари сонини кўпайтириш режалаштирилмоқда. Ушбу ташаббус Қатар университети ректори Холид ал Хатер томонидан илгари сурилган. Бу ҳақда wenr.wes.org таълим портали хабар бермоқда.

Ректорнинг мисол келтиришича, шунга ўхшаш университетлар Ҳиндистон, Баҳрайн ва БААда фаолият юритмоқда.

Унинг маълум қилишича, муҳожирлар учун очиладиган мазкур олий ўқув юртларидаги нархлар мўътадил бўлиши керак. Бундан ташқари, улар Қатар таълим вазирлиги билан мустаҳкам алоқа ўрнатиши лозим. Ректор, шунингдек, мамлакатдаги бошқа таълим даргоҳлари учун хорижликларга кўпроқ квоталар ажратилиши зарурлигини таъкидлаган.