O‘zbekiston va Tojikiston o‘rtasida Hukumatlararo yig‘ilish bo‘lib o‘tdi

Tojikiston poytaxti Dushanbe shahrida bugun Tojikiston Respublikasi va O‘zbekiston Respublikasi o‘rtasidagi savdo-iqtisodiy hamkorlik bo‘yicha Hukumatlararo komissiyasining 4-yig‘ilishi bo‘lib o‘tdi. 

Yig‘ilish yakunlari tomonlar ikki tomonlama o‘zaro aloqalarni rivojlantirishga katta e'tibor qaratayotganliklarini ko‘rsatdi.

Uning doirasida ikki tomonlama hamkorlikka oid dolzarb masalalar ko‘rib chiqildi. Ular orasida iqtisodiyot va savdo, transport, sanoat, madaniyat va ta'lim sohalaridagi aloqalarning asosiy parametrlari bor.

Shuningdek, savdo-iqtisodiy aylanmani oshirish bilan bog‘liq masalalarni hal etish yechimlari va asosiy prinsiplari muhokama qilindi.