АҚШнинг энг бадавлат машҳур кишилари эълон қилинди

Маданият 29 Декабрь 2016 23403

Америкалик режиссёр, “Юлдузлар жанги” фильмлари яратувчиси Жорж Лукас Forbes журналига кўра АҚШнинг энг бадавлат машҳур кишилари рўйхатида биринчи ўринни эгаллади. Рейтинг нашрнинг электрон нусхасида чоп этилди.

Forbes ҳисоб-китобларига кўра, Лукаснинг маблағи тахминан 4,6 миллиард долларга баҳоланди. Режиссёр бу сумманинг асосий қисмини ўзининг Lucasfilm компаниясини The Walt Disney Company корпорациясига 2012 йилда 4,05 миллиард долларга сотиши эвазига олган. Журналнинг таъкидлашича, Лукас Калифорния штатида майдони 24 кв. км бўлган ранчога ҳам эгалик қилади.

Жорж Лукас

Рўйхатнинг иккинчи ўрнида яна бир режиссёр Стивен Спилберг 3,7 миллиард доллар билан қайд этилди. У маблағининг асосий қисмини DreamWorks киностудиясидаги омадли ишлари сабаб топган. Спилберг 1990-йиллар унинг асосчиларидан бири бўлган.

Кучли “учлик”ни эса АҚШдаги энг машҳур телебошловчилардан бири Опра Уинфри якунлаб берди (2,8 млрд доллар). Уинфри асосан ўзининг Harpo Productions компанияси сабаб шунча пулни ишлаб топган. Нашрнинг таъкидлашича, АҚШдаги энг нуфузли шахслардан бири бўлган бошловчи Ҳавайи штатида кўчмас мулкка ҳам эга.

Стивен Спилберг ва Опра Уинфри

Тўртинчи поғонани америка баскетболи афсонаси Майкл Жордан (1,2 млрд. доллар) эгаллади. Икки карра Олимпия ва олти карра МБА ғолиби бўлган спортчи спорт ва оёқ кийимлари рекламаси сабаб бойиб кетган. Бешинчи ўринда кўзбоғловчи Дэвид Копперфильд тахаллуси билан машҳур Дэвид Сет Коткин (850 млн. доллар). Нашрнинг таъкидлашича, у қўйган томошалари сабаб ишлаб топган пулларини “сеҳрли артефактлар”нинг йирик коллекциясига йўналтирган.

Рўйхатдан ҳаммаси бўлиб 20 киши жой олди. Улар орасида америкалик гольф устаси Тайгер Вудс (740 млн. доллар), ёзувчи Жеймс Паттерсон (700 млн. доллар), рэп-ижрочи Жей-Зи (610 млн. доллар), қўшиқчи Мадонна (560 млн. доллар), мусиқачилар Жимми Баффет (550 млн. доллар) ва Жон Бон Жови (410 млн. доллар), шунингдек бошқа машҳур инсонлар бор.

Кун янгиликлари
«Ахборот», «Давр» ва «Пойтахт» информацион дастурлари ёпилади
10:30 / 25.05.2017 84017 Ўзбекистон
Туман ҳокимлиги тадбиркор қураётган спорт мажмуасини буздирди: ким ҳақ?
14:47 / 24.05.2017 43853 Жамият
Абитуриентлар олқиши ва эътирофига сазовор бўлган besttest.uz вебсайти
12:14 / 24.05.2017 17639 Технология
Шаҳрисабздаги тўртта қишлоқ карантин ёқасида
20:50 / 23.05.2017 68066 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 125807 Жамият
Juno зонди Юпитердаги улкан торнадоларни суратга олди
01:04 1130 Жаҳон
Брюсселда НАТОнинг янги бош қароргоҳи очилди
00:45 828 Жаҳон
Ливиядаги авиабаза ҳукуматни тан олмайдиган маршал армияси томондан босиб олинди
00:18 2019 Жаҳон
Жиззахда “Баркамол авлод-2017” спорт мусобақаларига старт берилди
00:16 1151 Спорт
Фотожамланма: Лондоннинг Челси туманида гуллар фестивали ўтмоқда
00:13 975 Жамият
Кўпроқ янгиликлар