Россиянинг Суриядаги элчихонаси жангарилар томондан снарядлардан ўққа тутилди, деб  маълум қилди Россия ташқи ишлар вазирлигининг ахборот ва матбуот департаменти.

"Битта мина Россия элчихонаси маъмурий бинолари мажмуаси ички ҳовлисида бахтли тасодиф портламай қолди. Иккинчиси эса элчихонанинг бевосита яқинига тушган. Портламай қолган снарядларни минасизлаштириш учун сапёрлар жалб қилинди", деб айтилган хабарда.

Таъкидланишича, жангарилар снарядларни элчихонага Москва вақти билан соат 13.00 ва 13.19да отган.  

Вазирликда Сурия пойтахти яқинида изғиб юрган гуруҳлар томонидан Россия элчихонаси ва ходимларига таҳдид сақланиб қолмоқда, деб ҳисобланмоқда ва бу террорчилик ўчоқларини йўқ қилиш зарурлигини тасдиқлайди.

"Дамашқда Россия элчихонасининг такроран ўққа тутилиши тегишли баҳо олиши ва террорчилик таҳдидларига ҳақиқатан ҳам курашувчи барча томондан қатъиян қораланиши керак", деб айтилди вазирликда.

Россия элчихонаси биринчи марта ҳужумга учрамаяпти. Октябрдаги шундай ҳужумлардан бирида элчихонага жиддий моддий зарар етказилганди.