АҚШнинг янги президенти Дональд Трамп БМТ қудратли салоҳиятга эгалиги, бироқ шунга қарамай кам фойда келтиришини айтди. Бу ҳақда ТАСС ахборот агентлиги хабар бермоқда.  

"БМТда шундай катта салоҳият бор, бироқ уни оқлай олмаяпти", деб айтди Трамп. 

Трамп БМТ замонавий глобал муаммоларнинг ечимига самарали ёндашув топишга муваффақ бўла олмаётганини таъкидлаб ўтди.    

"БМТ муаммоларни ҳал қилганини қачон кўргансиз? Бундай бўлмаган, аксинча у муаммолар келтириб чиқаради. Агар у мавжуд салоҳиятини оқлаётган бўлса бу ажойибдир, агар оқламаётган бўлса, унда бу вақт ва пулларнинг бекорга сарфланишидир", деб айтди Трамп.