Исроил 2016 йилда Иордан дарёсининг Ғарбий соҳилида босиб олган ерларида рекорд сондаги фаластинликлар уйини бузиб ташлади. Бу ҳақда БМТнинг гуманитар масалаларни мувофиқлаштириш бошқармаси маълум қилди. 

"БМТнинг гуманитар масалаларни мувофиқлаштириш бошқармаси томонидан тўпланган дастлабки маълумотлар таҳлили 2016 йил давомида (28 декабргача) Исроил ҳукумати Ғарбий соҳил, жумладан Шарқий Қуддусдаги фаластинликлар тегишли бўлган 1089 иншоотни бузиб ташлаган ёки босиб олган, бунинг оқибатида 1593 фаластинлик бошқа жойга кўчиб ўтишга мажбур бўлган", дейилди ҳисоботда. Бошқармада бузилган уйлар ва бошпанасиз қолган одамлар сони БМТ бундай статистикани олиб боришни бошлаган 2009 йилдан бери рекорд сонда бўлгани маълум қилинди.