Ҳиндистоннинг Жаркханд штатидаги кўмир конида юз берган ўпирилиш сабаб камида тўққиз нафар кончи ҳалок бўлди. India Today телеканалининг хабар беришича, яна 50 нафар инсон ер тагида қолмоқда.

Аввалроқ, 40 киши жабрлангани хабар қилинганди.

Телеканал маълумотларига кўра, ўпирилиш конга кираверишда юз берган бўлиб, бунинг натижасида ишчилар ичкарида қолиб кетишган. Қидирув-қутқарув амалиёти давом этмоқда.

Ҳиндистон бош вазири Нарендра Моди ҳодисага Twitter’даги ўз саҳифасида изоҳ берди. "Мен Жаркханд штатидаги шахтада кўплаб кишилар ҳалок бўлганидан жуда афсусдаман. Биз ер остида қолганларнинг ҳақига дуо қилмоқдамиз", - дея ёзди у.