Туркияда қаттиқ шамол ва ёғингарчилик аҳоли кундалик ҳаётини издан чиқармоқда

Жамият 30 Декабрь 2016 9810
Фото: AA

Пайшанба куни Туркияда кузатилган ёмон об-ҳаво шаҳарларнинг кундалик ҳаётини издан чиқарди. Мамлакатнинг барча шаҳарларида сув тошқинлари ва ёмғирли бўрон кузатилди.

Туркиянинг шимолидаги ёмон об-ҳаво шароити туфайли автобуснинг автоҳалокатга учраши оқибатида 4 киши вафот этди, шимолий ҳудудда эса бир аёл тўфон туфайли сувга чўкиб кетган.

Кучли шамол, туман ва қор ёғиши йўлларнинг ёпилиши, ҳаракатнинг секинлашиши ва 20дан ортиқ шаҳарларда, жумладан, Анқарадаги мактабларнинг беркитилишига олиб келди. 

14 миллиондан ортиқ аҳолига эга бўлган Туркиянинг энг гавжум шаҳри бўлмиш Истанбулда куни билан давом этган қаттиқ шамол ва туманли об-ҳаво томларни кўчириб, автокранлар алмашуви ҳамда кўплаб рейслар, паромларнинг бекор қилинишига сабаб бўлди.

Тинимсиз ёққан қор ва шамол сабаб Буюкчекмеже туманидаги кўприкни таъмирлаш учун фойдаланилаётган кранлар қийшайиб, асосий автомагистралга ағаниб тушди. Оқибатда эса йўллар беркилиб, машиналарнинг ҳаракатини тўхташига олиб келди. 

Истанбул ва Бурса ўртасидаги паромлар қатнови ҳам кучли шамол туфайли тўхтатилди, деб хабар қилади IDO ўзининг сайтида. 

Turkish Airlines ҳам пайшанба куни 38та маҳаллий ва халқаро рейслар, шунингдек, жума кунги 26 рейс бекор қилинганини маълум қилди.

Фото: AA
Фото: DHA
Фото: AA
Фото: AA
Фото: DHA
Фото: AA
Фото: AP
Кўпроқ янгиликлар