Ўзбекистон Президенти Шавкат Мирзиёев 28 декабрь куни “Ўзбекистон фахрийларни ижтимоий қўллаб-қувватлаш “Нуроний” жамғармаси фаолиятини янада такомиллаштириш чора-тадбирлари тўғрисида”ги Фармонни имзолади. 

Хусусан, унда Ўзбекистон миллий телерадиокомпаниясининг бир ой муддатда “Маҳалла” телеканалида ёши катталарга бағишланган ва ҳар куни намойиш қилинадиган “Кексалар даврасида” доимий рукнини ташкил этиши кўзда тутилган. 

Шунингдек “Маҳалла” телеканалида ҳар ойда “Оталар сўзи – ақлнинг кўзи” телекўрсатувининг биттадан янги сериясини тайёрланиши ва намойиш этилиши ҳам белгилаб қўйилди.

Эслатиб ўтамиз, мазкур Фармоннинг бажарилишини назорат қилиш Ўзбекистон Республикасининг Бош вазири А.Н.Арипов зиммасига юкланди.