Ернинг энг кекса кишиси 146 ёшни қаршилади

Жамият 31 Декабрь 2016 12450
Фото: Globallookpress.com

Норасмий маълумотларга кўра, Ернинг энг ёши улуғ кишиси – индонезиялик Сапарман Содимежо бугун, 31 декабрь куни 146 ёшни қаршилади. Бу ҳақда Британиянинг Daily Mail нашри хабар берди. 

Содимежонинг ҳужжатларида унинг 1870 йилнинг 31 декабрида таваллуд топгани қайд этилган. Ёши катта бўлишига қарамай, қария ҳанузгача ўзи ҳаракатлана олади. 

Нашр берган маълумотга кўра, Содимежо ўзининг барча 10 нафар ака-ука ва опа-сингилларини кўмишга, шунингдек, 4 нафар хотинидан узоқроқ умр кўришга улгурган. 

Ҳозирда расман Ернинг энг қари кишиси деб Исраел Кристал тан олинган. У 1903 йил 15 сентябрда Жарнувада туғилган. Бугунги кунда унинг ёши 113 йилу 107 кунга тенг. 

Кўпроқ янгиликлар