Ўзбекистон Республикаси Вазирлар Маҳкамасининг 2016 йил 13 декабрдаги “2017-2019 йиллар даврида Наманган шаҳрининг йўл-транспорт ва муҳандислик-коммуникатсия инфратузилмасини янада ривожлантириш чора-тадбирлари тўрисида”ги 404-сонли қарори асосида Наманган шаҳрида 82 та кўп қаватли уй-жойлар қурилади. Бу ҳақда Наманган шаҳри ҳокимлиги ахборот хизмати хабар берди.   

Жумладан, шаҳарнинг Уйчи кўчасида 45 та, Хамрох кўчасида 13 та, Марғилон кўчасида 24 та кўп қаватли, биринчи қавати савдо ва маиший хизмат кўрсатиш дўконларига эга бўлган турар-жой бинолари ҳамда ижтимоий соҳа муассасалари қуриш режалаштирилган. 

Йўлнинг икки томонига эса замонавий декоратив дарахтлар экилади. Замонавий ёритиш нуқталари йўлнинг ўрта қисмига жойлашади. Замонавий бекатлар барпо этилади. Ҳудудлардаги мавжуд барча ижтимоий соҳа муассасалари капитал таъмирланади.

Қарорга мувофиқ 5 та кўча йўлларини мукаммал таъмирлаш билан биргаликда, муҳандислик-коммуникация инфратузилмасини сув таъминоти, канализация, электр таъминоти, газ таъминоти ва телекоммуникациялар тизимларини реконструкция қилиш ишлари амалга оширилади.