Россия рублининг 2016 йил якунларига кўра курси долларга нисбатан 20,1 фоизга ва еврога нисбатан 24,7 фоизга ошди. Бундан Москва биржаси маълумотлари дарак бермоқда.

Доллар курси биржадаги савдоларнинг охирги куни 61,27 рубль, евроники эса 64,52 рубль даражасида ўрнатилди. 2015 йил охирида доллар курси 73,59 рублни, евроники эса 80,43 рублни ташкил қилганди.

Йил давомида доллар энг максимал кўрсаткичга 21 январда эришганди, ўшанда унинг курси 86 рублни ташкил қилган. Евро қиймати эса ўшанда 93,7 рубль бўлган.