Истанбулда тунги клубга ҳужум қилган террорчи йўқ қилинган

Жаҳон 01 Январь 2017 11248

2017 йилнинг биринчи кунига ўтар кечаси Истанбулдаги тунги клубга қуролли ҳужум уюштирган террорчи махсус хизмат ходимлари томонидан отиб ўлдирилган. Бу ҳақда Туркия ҳукуматидаги манбага асосланган ҳолда Guardian газетаси хабар ёзган.

Воқеа жойидаги нашр мухбири полициячилар клуб жойлашган ҳудуддаги хавфсизликни назоратга олишганини айтган.

Шаҳардаги Reina клубига Янги йил байрами нишонланаётган вақтда ҳужум уюштирилган. Хабарларга кўра, ҳужум Санта-Клаус кийимидаги террорчи томонидан уюштирилган. У Калашников автоматидан чор атрофга ўт сочган.

Шаҳар губернатори Васип Шаҳин ҳужум оқибатида 35 киши ҳалок бўлгани ва 40 киши жароҳатлангани ҳақида айтган.

Reina клуби Бешиктош туманида, Туркиянинг Осиё қитъасидаги қисмини Европадаги қисм билан боғлаб турувчи Босфор бўғози устидан ўтган кўприк яқинида жойлашган.

Кўпроқ янгиликлар