Истанбулда Янги йил кечаси уюштирилган мудҳиш теракт оқибатида ҳалок бўлганлар сони 39 нафарни ташкил қилмоқда. Шунингдек, шифохоналарга жароҳатланган ҳолда олиб борилганлар сони 69 нафар. Бу ҳақда Туркия ИИВ раҳбари Сулаймон Сўйлуга асосланиб, Рейтер агентлиги хабар берди.

Дастлабки хабарларда, ҳужум қурбонлари сони 35 нафар экани, 40 киши жароҳатлангани айтилганди.

Истанбулдаги Reina клубида Янги йил оқшоми ўтказилаётган вақтда Калашников автомати билан қуролланган террорчи ҳудудга бостириб кириб, чор атрофга ўт соча бошлаган. Полициячилар уни йўқ қилишган.