Қозоғистон 1 январдан БМТ Хавфсизлик Кенгашининг доимий бўлмаган аъзоси

Жаҳон 01 Январь 2017 5494
Фото: © РИА Новости

Қозоғистоннинг БМТ Хавфсизлик Кенгаши доимий бўлмаган аъзоси сифатидаги мақоми 1 январдан бошлаб кучга кирди ва бу 2018 йилнинг охирига қадар амалда бўлади.

Қозоғистон 28 июнь куни илк марта БМТ Бош Ассамблеяси томонидан Боливия, Швеция ва Эфиопия қаторида 2017-2018 йиллар учун Хавфсизлик кенгашининг муваққат аъзолари этиб танланганди. Бош Ассамблеяда бўлиб ўтган сайлов давомида Қозоғистон БМТга аъзо 138 мамлакатнинг овозини қўлга киритиб, 55 овоз олган Таиландни ортда қолдирганди.

БМТ тузилганида унинг сафида 51 мамлакат бўлган, айни дамда 193 мамлакат БМТ аъзоси ҳисобланади.

Қозоғистон Хавфсизлик кенгаши таркибига ҳеч қачон кирмаган БМТга аъзо 68 давлат қаторида эди. Улар орасида Афғонистан, Албания, Грузия, Исроил, Кипр, Қирғизистон, КХДР, Молдова, Сербия, Тожикистон, Туркманистон, Ўзбекистон, Швейцария ва Эстония бор. 

Бирлашган Миллатлар Ташкилотининг Хавфсизлик Кенгаши — БМТнинг асосий доимий ишловчи сиёсий органи; БМТ Устави 24-моддасига биноан халқаро тинчлик ва хавфсизликни сақлаб туриш учун асосий жавобгарлик БМТ Хавфсизлик Кенгаши зиммасига юклатилган. БМТ Хавфсизлик Кенгашининг фаолият доираси БМТ Устави (V—VII боблар)да аниқ кўрсатилган ва давлатлар ўртасидаги низоларни тинч йўл билан ҳал этиш соҳасида кенг ваколатлар берилган. У халқаро тўқнашувларни ёхуд низоларни келтириб чиқариши эҳтимол тутилган ҳар қандай низо ёки ҳолатни текшириш ваколатига, тинчликка ҳар қандай таҳдид ва уни ҳар қандай бузиш ёки агрессия ҳолларини аниқлаш ҳамда халқаро тинчлик ва хавфсизликни сақлаб қолиш ёхуд тиклаш юзасидан тегишли тадбирларни белгилаш ҳамда тавсиялар бериш ҳуқуқига эгадир. БМТга аъзо 15 давлат: 5 доимий ва 10 муваққат аъзодан иборат. БМТ Устави 23-моддасига кўра, АҚШ, Буюк Британия, Франция, Хитой ва Россия БМТ Хавфсизлиги Кенгаши доимий аъзоларидир. Муваққат аъзолар эса Бош Ассамблея томонидан 2 йиллик муддатга сайланади, унинг ҳар бир сессиясида 5 муваққат аъзо қайта сайланиши шарт. Муваққат аъзолар ўрни қуйидагича тақсимланади: Осиё ва Африка давлатларидан —5 аъзо, Шарқий Европа давлатларидан— 1 аъзо, Лотин Америкаси давлатларидан—2 аъзо, Ғарбий Европа ва бошқа давлатлар (Канада, Австралия, Янги Зеландия)дан—2 аъзо. БМТ Хавфсизлик Кенгашига аъзо ҳар бир давлат унда бир вакилга эга бўлади. БМТ Хавфсизлик Кенгаши узлуксиз ишлайди, унинг мажлислари орасидаги танаффуслар 2 ҳафтадан ошмаслиги шарт. Мазкур мажлисларда давлатлар вакили инглиз тилидаги расмий номи бўйича алифбо тартибида бир ой мобайнида навбатма-навбат раислик қилади. БМТ Хавфсизлик Кенгаши мажлислари очиқ бўлади; узрли сабабларга биноан мажлис ёпиқ деб эълон қилинган ҳоллар бундан мустасно.

2017 йилда Қозоғистоннинг халқаро аренадаги роли ошиши кутилмоқда. Шу йили Остона шаҳрида Суриядаги вазият бўйича йиғилиш ўтказилиши мумкин. Россия президенти Владимир Путин Туркия раҳбари Ражаб Тойип Эрдўған билан Суриядаги зиддият томонларини муросага келтириш жараёни бўйича навбатдаги учрашувни Остона шаҳрида ўтказишга келишиб олган. У янги майдон Женева музокараларини тўлдиришини айтган. Қозоғистон президенти Нурсултон Назарбоев Путин ҳамда Эрдўған билан телефон мулоқотлари чоғида бу ташаббусни қўллаб-қувватлашини маълум қилган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4248 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5109 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20761 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49710 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3841 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 2268 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 4212 Жаҳон
Хитой хорижий инвестицияларга чеклов жорий қилди
23:08 / 21.08.2017 2403 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3615 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3691 Технология
Кўпроқ янгиликлар