«Барселона» ҳужумчиси Лионель Месси 2016 йилда Европа футболининг клублари тўпурарига айланди.

Аргентиналик футболчи 51та гол урди ва Златан Ибраҳимовични 1 гол фарқи билан ортда қолдирди.

31 декабрь куни Ибраҳимович Мессини қувиб етиши мумкин эди, аммо унинг «Мидлсбро» дарвозасига урган карате услубидаги голини бош ҳакам Ли Мэйсон рақиб дарвозабони Виктор Вальдесга қарши «хавфли ўйин» деб топиб, инобатга олмади.

Учинчи ўринни 48та гол билан Луис Суарес, тўртинчи ўринни 42та гол билан Криштиану Роналду қўлга киритди. 39та гол урган Роберт Левандовски 5-ўринда қолди.