Туркияда 15 июлда содир этилган ҳарбий тўнтарув ҳаракатидан кейин бошланган тергов доирасида мамлакат суд органлари томонидан 41 326 нафар кишини ҳибсга олиш ҳақида қарор чиқарилган. Дастлаб 103 850 киши Фатҳуллоҳ Гулен террорчи оқимига алоқадорликда гумон қилиниб, қўлга олинган бўлган. Бу ҳақида Анадолу агентлиги хабар берди. 

Туркия адлия вазирлиги маълумотига кўра, тергов доирасида қўлга олинганларнинг 10 265 нафари уларнинг террорчи ҳаракатларга алоқадорлигини тасдиқловчи далилларнинг йўқлиги туфайли озод қилинган. 

Озод қилиниб, ўз лавозимига қайта тикланганлар орасида бир губернатор, тўрт нафар губернатор ёрдамчиси, 1 066 ҳарбий хизматчи, 583 нафар полиция ходими, икки  маҳаллий бошқарув органи раҳбари, 158 судья ва прокурорлар, Судья ва прокурорлар олий кенгашининг (HSYK) икки аъзоси, бир  Давлат кенгаши аъзоси ва саккиз нафар Туркия Олий суди ходими бўлган.