Дортмунднинг «Боруссия» жамоаси сафида бўлган 18 ёшли италиялик футболчи Дарио Скудери футболчиликни жуда эрта тарк этишга мажбур бўлди. Бу ҳақда Abola нашри хабар тарқатди.

Унинг 14 сентябрь куни Европа Лигаси доирасида (ёшлар ўртасида) Польшанинг «Легия» жамоасига қарши ўйинда олган жароҳати футболчиликни давом эттиришга имкон бермади. Скудери ўшанда оёғини синдириб олганди. Уни 10 кун ичида 8 марта жарроҳлик амалиётидан ўтказишди.