7,5 миллион сўмдан ошиқ нафақа пулларини ўзлаштирган маҳалла раиси фош этилди

Жамият 03 Январь 2017 6996
Фото: ZN.ua

Каримжон Бобоев (исм-фамилиялар ўзгартирилган) маҳалладошлари билдирган ишончи оқлай олмади. Негаки, унинг аввалги фаолияти ён-атрофдагилар наздида фидойиликнинг бир кўриниши бўлган экан.

“Ҳуқуқ” газетасининг ёзишича, бир неча йил аввал маҳаллага раис сайланаётганда унга ишонч билдиришди, оқсоқол сифатида маҳалла аҳлининг “иссиқ-совуғи”да бирга бўлади, деб ўйлашда.

Каримжон-чи?... Бир муддат ана шу ишончни оқлаш кўйида елиб-югургандек бўлди. Кейинроқ эса қабулига нафақа пули тайинлаб беришни илтимос қилиб келувчилар кўпайди-ю, ўзгарди-қолди. Қандай бўлмасин, ана шу пулларга эга чиқиш, қўлга киритиш ҳақида бош қотира бошлади. Ишончни унутди.

Ниҳоят, йўлини топгандек бўлди. У 2014 йилнинг январь ойидан декабрь ойига қадар маҳаллага ижтимоий нафақа сўраб ариза берган фуқароларга нафақа тайинлангач, уларнинг пулларини ўзлаштириш ҳаракатига тушди. Бунга эришди ҳам. Яъни у ана шу муддат ичида етти нафар фуқарога қайдномаларни қалбакилаштирган ҳолда 7 млн. 649 минг сўмлик ижтимоий нафақа тайинлаб, ушбу пулларни қўлга киритди.

Афтидан, К.Бобоев шу қилмиши бир куни албатта фош бўлишидан бехабар эди, чоғи. Маҳаллада ўтказилган текширишда унинг ноқонуний хатти-ҳаракатлари ошкор бўлиб қолгач, типирчилаб қолди. Ўзини оқлаш мақсадида турли баҳоналар излашга тушди. Бироқ ҳеч бири наф бермади. У қонун доирасида жиноий жавобгарликка тортилди.

Кун янгиликлари
МХХ 2 тоннадан ортиқ гиёҳвандлик воситаларини ёқиб юборди
16:00 / 23.06.2017 24191 Ўзбекистон
Қозоғистонда ЙТҲ туфайли ҳалок бўлган ўзбекистонликлар рўйхати эълон қилинди 
12:46 / 23.06.2017 64496 Ўзбекистон
Салоҳиддин Шарипов: “Ҳалол луқма – инсон саодатининг калитидир”
22:51 / 22.06.2017 28070 Жамият
Хайрулла Ҳамидов: “Огоҳлантиришсиз чалинган қўнғироқ”
16:13 / 21.06.2017 68599 Спорт
Falcon 9’нинг биринчи поғонаси Атлантикадаги сузувчи платформага қўндирилди
02:08 921 Жаҳон
Русларнинг Су-27 қирувчи самолёти Американинг разведкачи-самолёти билан яқинлашди (фото)
01:20 5645 Жаҳон
Ҳайит байрамини муносиб кутиб олишнинг 17 одоби
00:38 6110 Жамият
Туркиядаги аквапаркда беш киши ҳалок бўлди
00:32 3561 Жаҳон
Дональд Трамп Жонни Деппнинг ҳазилидан хафа бўлди
00:17 5005 Жаҳон
МДҲ давлатларининг 7 мингдан зиёд фуқароси терроризмга алоқадорлиги сабабли халқаро қидирувда
00:01 2027 Жаҳон
Кўпроқ янгиликлар