Дунёнинг юздан ортиқ мамлакатларида 26 871 нафар экспат (хорижда фаолият юритувчи ишчи) орасида сўровнома ўтказилди. HSBC шу ҳақида хабар берди. 

Швейцарияда экспат бўлиш - жуда фойдали иш. 

Швейцариядаги UBS Group банкининг ватанида Novartis AG фармацевтика компанияси ва Glencore Plc савдо компаниясининг экспатлари йилига ўртача 188 275 доллар ишлашади. HSBC Holdings Plc маълумотларига кўра, бу дунёдаги энг юқори кўрсаткич: у ўрта статистик кўрсаткичдан деярли икки баробар  ошиқ. Бундан ташқари, Швейцария мана иккинчи йилдирки, экспатлар учун банк карьерасини ривожлантириш бўйича мамлакатлар рейтингида етакчилик қилиб келмоқда. 

HSBC Expat раҳбари Дин Блэкберн шундай дейди:

"Экспатлар Швейцарияни ҳам молиявий, ҳам маиший кўрсаткичлар бўйича юқори баҳолашмоқда. Юқори маош ва ривожланган ишчи маданиятининг уйғунлашуви Швейцарияни муваффақиятли карьера учун топ мамлакатлар рейтинги чўққисига олиб чиқди".

БМТ штаб-квартираси жойлашган Швейцария - карьерада ўсиш учун энг яхши танлов. Бироқ гап фақат катта маошларда эмас. HSBC сўровномада иштирок этганларнинг 69 фоизи иш ва шахсий ҳаёт ўртасидаги мувозанат барқарорлашганини таъкидлашган, 61 фоизи эса бу ердаги иш маданияти ватанидагидан юқори эканлигини айтган. 

HSBC сўровномасига кўра, Германия ва Швеция умумий кўрсаткичлар бўйича иккинчи ҳамда учинчи ўринларни эгаллашган. Рейтингнинг 10 юқори позициясидан 6 таси Европа мамлакатлари томонидан банд этилди. 

Фото: ru.insider.pro

Бл­эк­бер­ннинг сўзларига кўра, Швееция ва Германияда экспатларни пулли мукофотлардан ташқари, яна бошқа бонуслар ҳам кутмоқда. 

"Германия ишончли бандлик кафолатини таклиф қилади. Швеция эса ажойиб меҳнат маданиятидан ташқари, экспатлар томонидан (79%) иш ва шахсий ҳаёт ўртасида мукаммал мувозанатни сақлаш мумкинлиги билан ҳам қадрланади".

HSBC маълумотларига кўра, Яқин Шарқда ҳам энг яхши меҳнат шароитлари яратилган, масалан, Бахрайн ва Бирлашган Араб Амирликларида тиббий имтиёзлар берилиб, уй-жой ва чипталар тўлови амалга оширилади. 

Фото: ru.insider.pro

Ҳонг­конг ва Син­га­пур карьера ривожи даражаси бўйича етакчилик қилмоқда - 68 ва 62 фоиз. Бироқ Осиё мамлакатларидаги ҳаёт даражаси у қадар ижобий эмас: Сингапурдаги экспатларнинг 30 фоизи ва Ҳонгконгдаги экспатларнинг 50 фоизи иш ҳамда шахсий ҳаёт ўртасидаги мувозанатнинг ёмонлашганини қайд этишган.