Istanbulda turizm sanoati ishchilari 2017 yilning 1 yanvariga o‘tar kechasi 39 kishi otib tashlangan Reina tungi klubigacha piyoda marshini amalga oshirishdi. Associated Press shu haqida ma'lum qildi.
Terrorizmga qarshi yurishda restoratorlar, mehmonxonalar egalari va pazandalik o‘quv muassasalari talabalari ishtirok etishdi.
Namoyishchilarning birinchi qatoridagilar "Biz qo‘rqmaymiz! Kelajagimiz uchun!" yozuvi tushirilgan bannerni ko‘tarib o‘tishdi.
