O‘zbekiston Prezidentining 2016 yil 27 dekabrdagi 2699-sonli qaroriga muvofiq, ota-onalarning Davlat byudjyeti hisobidan moliyalashtiriladigan maktabgacha ta'lim muassasalariga (MTM) 2017 yil uchun kiritadigan to‘lov hajmi tasdiqlandi. Bu haqida Norma.uz'da ma'lum qilindi.
To‘lov hajmi ta'lim muassasasining joylashgan manzili va ishlash tartibi ( 5 yoki 6 kunlik) hamda bolalarning bog‘achaga kelish vaqti, shuningdek mazkur muassasaga qatnovchi bir oilaning farzandlari soni kabi omillardan kelib chiqib belgilanadi.
Shuni ta'kidlash joizki, Qoraqalpog‘iston Respublikasi va Xorazm viloyatida joylashgan maktabgacha ta'lim muassasalaridagi to‘lovlar tasdiqlangan narxlardan ikki barobar past.
