Чехиянинг жанубида охирги 10 йил ичида биринчи марта бир неча ўнлаб паррандаларда парранда гриппи аниқланди. Зарарланиш ҳудудида 3 километрлик қўриқланувчи ҳудуд яратилган, деб маълум қилди журналистларга давлат ветеринария бошқармаси директори Збинек Семерад.

Мутахассисларнинг фикрича, паррандалар ушбу ҳудуддаги ҳовузга учиб келган ёввойи ўрдаклардан зарарланган бўлиши мумкин. 3 км лик қўриқланувчи ҳудуддан ташқари, парранда гриппи аниқланган жойларда 10 километрлик назорат ҳудудлари яратилмоқда.  

H5N8 туридаги парранда гриппининг юқори патоген штаммининг паррандаларда аниқланиши ҳолатлари охирги ойларда Германия, Австрия, Голландия, Франция, Польша, Венгрия ва Хорватияда, янги йил олдидан эса Словакияда қайд этилган.