Суриядаги вазиятни сиёсий тартибга солиш бўйича ижобий силжишлар кузатилмоқда, деб айтди Туркия президенти Ражаб Тоййиб Эрдўған маҳаллий маъмуриятлар бошлиқларининг 33-йиғилишида.

Эрдўған Туркия ва Россиянинг Сурияда барқарор ярашув ва сиёсий тартибга солишни таъминлаш масаласи бўйича биргаликдаги саъй-ҳаракатларига эътибор қаратди.

"Туркиянинг энг катта истаги фожианинг ва Сурия халқи азоб-уқубатларининг тезлик билан тўхтатилиши ҳисобланади", деб таъкидлаб ўтди Эрдўған. 

Эрдўған Туркия ҳукуматининг террорчиликка қарши курашдаги қатъиятлилигини таъкидлаб ўтди. "Туркия террорчиларга таслим бўлди дейдиганлар аслида уларнинг шериклари ҳисобланади", деб айтди Эрдўған.    

Эрдўған Туркия иқтисодиётидаги салбий тенденцияларга ҳам эътибор қаратди. "Мамлакат осон даврни бошдан кечирмаяпти. Ҳозир валютани сотиб олиш эмас, сотиш вақтидир. Исталган инқирозлар ўткинчидир. Туркияга иқтисодий соҳадаги ҳужумлар абадий давом этмайди", деб айтди Эрдўған ҳамда фуқароларни давлатни қўллаб-қувватлашга чақирди.