Туркия бош вазири девонхонаси қошидаги ҳамкорлик ва тараққиёт идораси (TIKA) Хоразм вилояти ҳудудидаги Республика ихтисослаштирилган урология маркази онкологик диспансерига тиббий жиҳозлар етказиб берди.

Агентлик баёнотида хабар қилинишича, Анқарадаги урология клиникаси шифокори Йилмаз Аслан TİKA ва Ўзбекистон соғлиқни сақлаш вазирлиги ҳамкорлиги доирасида Ўзбекистонга келган ва шифохонага тақдим этилган барча тиббий жиҳозларни кўздан кечирган.

Жаноб Аслан ўзбекистонлик шифокорлар, хусусан диспансер бош шифокори ҳамроҳлигида маҳаллий ходимларга ускуналар ва аппаратуралардан фойдаланиш ҳақида маълумот берган. У шунингдек, 2 беморнинг жарроҳлик амалиётида иштирок этган.