Трамп Обаманинг яна бир ҳаракатига қарши чиқди

Жаҳон 04 Январь 2017 20755
Фото: AFP

АҚШ президенти этиб сайланган Дональд Трамп Гуантанамо базасидаги турмада сақланувчи "ўта хавфли" маҳбусларни озод қилиш амалиётини тўхтатиш керак, деб ҳисобламоқда.

"Гуантанамодан бошқа озод этишлар бўлмаслиги керак. Улар ўта хавфли одамлар ва уларга жанг майдонига қайтишга имкон бермаслик керак", деб ёзган Трамп твиттерда.

Трампнинг баёнотига АҚШ мудофаа вазирлиги вакили изоҳ бериб, матбуот-анжумандаги журналистларга президент Барак Обама ўз ваколатлари муддати тугагунча Гуантанамо турмасини ёпиш бўйича ўз амалиётини давом эттиришини айтди. 

Гуантанамо ёпилиши Обаманинг 2008 йилдаги сайловолди ваъдаларидан бири эди. У конгресснинг эътирозлари туфайли турмани ёпа олмаган, бироқ унинг ҳокимияти даврида турмадаги маҳбуслар сони 242 нафардан 59 нафаргача камайган. 

 

Кўпроқ янгиликлар