Вьетнамда беморнинг қорнидан 18 йил аввал унутиб қолдирилган жарроҳлик асбоби чиқариб олинди

Жамият 04 Январь 2017 14962
Фото: Getty Images

Вьетнамда шифокорлар беморнинг қорнидан жарроҳлик қисқичини чиқариб олишди. У бошқа тиббиёт ходимлари томонидан 18 йил аввал ўтказилган амалиёт вақтида унутиб қолдирилган, деб хабар беради Би-би-си.

VTV1 маҳаллий телеканали шифокорлар ва Ма Ван Нят исмли 54 ёшли вьетнамликдан қисқача интервью олишди. Эркак автомобиль ҳалокатидан сўнг касалхонага олиб келинган ва шифокорлар рентген жараёнида ичаклар ёнида металл буюм борлигини аниқлашган.

Ма Ван Нятнинг сўзларига кўра, 15 сантиметрли асбоб 1998 йилда унинг қорнида ўтказилган амалиёт давомида унутиб қолдирилган бўлиши мумкин. 

Беморнинг ўзи эса организмидаги бегона асбоб сабаб ҳеч қачон ўзини ноқулай ҳис қилмаганини маълум қилди. Бироқ, сўнгги бир неча ойда унинг қорнида кучли оғриқлар пайдо бўлган ҳамда улар оғриқни қолдирувчи воситалар қабул қилганидан сўнг ҳам кетмаган.

Жарроҳлик қисқичини чиқариб олиш бўйича амалиёт уч соат давом этди. Ма Ван Нятни операция қилган шифокорнинг таъкидлашича, асбобнинг қулоқчалари кўп йиллар давомида занглаб кетган ва ички аъзоларга ёпишиб қолган.

Вьетнам соғлиқни сақлаш вазирлиги Ма Ван Нятни 1998 йилда жарроҳлик амалиётидан ўтказган клиникадан ҳодиса юзасидан ҳисобот тақдим этишни талаб қилди. Клиника директори эса тиббий ёзувлар 15 йилдан ортиқ сақланмаслигини маълум қилиб, вьетнамликнинг қорнида айнан ким қисқични унутиб қолдирганини аниқлаш қийин кечишини айтиб ўтди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8714 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 9116 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9887 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 35212 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51672 Жамият
Пентагон раҳбари Ироққа эълон қилинмаган ташриф билан келди
12:26 40 Жаҳон
ОАВ: АҚШ Хитой фирмаларининг активларини музлатиб қўймоқда
12:24 307 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 411 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 317 Жаҳон
Тошкент вилояти аграрчилари қишлоқ хўжалиги техникаси билан таъминланади
Кўпроқ янгиликлар