Samsung компанияси QLED-телевизорларининг янги авлодини намойиш этди

Технология 05 Январь 2017 5867

Жанубий Кореянинг Samsung компанияси CES 2017 халқаро электроника кўргазмасида QLED-телевизорларининг — Q7, Q8 ва Q9 русумларининг тақдимотини ўтказди.

Мазкур телевизорлар янада такомиллаштирилган QLED технологиясининг қайтарзда ишлаши хусусида тасаввур ҳосил қилишга имкон беради. Унинг дисплейи квантли нуқталар деб номланувчи бир неча миллионта алоҳида материаллар — metal Quantum Dot’дан иборат. Ҳар бир нуқта муқобил равишда ёнади, шу сабабли, бундай экранлар турли бурчакдан қараганда ҳам ёрқинлигини йўқотмайди. 

Умуман, QLED технологияси OLED технологиясига ўхшаш, аммо, иккинчисида ёруғлик диодлари қўлланилса, Samsung компанияси янги маҳсулотида темир асосидаги квантли нуқталардан фойдаланган. Бу эса, телевизор таннархини арзонлаштиради ҳамда энергия самарадорлигини оширади. Шу билан бирга, OLED-телевизорларга қараганда сифатлироқ тасвирларни акс эттиради. Бундан ташқари, Q8 ва Q7 моделлари эгик шакллидир. 

Таъкидланишича, Samsung ўз телевизорларининг ёрқинлигини кескин яхшилашга эришган. 

QLED-панеллари DCI-P3 стандартидаги ранг кенглигининг 99 фоизини акс эттиради. Бу эса, рақамли кинотеатрлар орасида энг кенг тарқалган форматдир. Унинг ҳар бир нуқтаси миллиард хилдаги жилони намойиш этади. 

Шу билан бирга, Samsung компанияси Smart TV тизимини ривожлантиришга эътибор қаратган. Фойдаланувчилар Samsung Smart Remote тизими ёрдамида телевизорга уланган барча қурилмаларини биргина тугмани босиш билан бошқара олади. 

Янгиланган ва такомиллаштирилган Smart View иловаси эса, тв-дастурларнинг барчасини экранда намойиш этади. Бунинг натижасида теледастур ва видеотрансляцияларнинг исталганини мобил қурилма воситасида осонлик билан танлаш мумкин бўлади. 

Кун янгиликлари
Дайжест: Президент Фарғонада, қўшимча контракт нархлари, кетишга ҳозирланаётган Атамбоев ва куннинг бошқа хабарлари
20:44 / 22.06.2017 7564 Жаҳон
Эҳтиёт бўлинг! Сифатсиз БФҚлар қурбонига айланманг!
09:34 / 22.06.2017 25838 Жамият
Mirobod Elit - пойтахт марказида оилангиз учун муносиб совға
16:29 / 21.06.2017 18201 Жамият
Нацистлар Панама каналини барбод қилишни режалаштирган ҳужжатлар ошкор қилинди
08:15 1 Жаҳон
Расман. "Ливерпуль" Салоҳ трансферини эълон қилди
03:48 2245 Спорт
Самарқанд аэропортида беҳаё видеолар олиб кирмоқчи бўлган шахслар аниқланди
03:38 4712 Жамият
Ягона ижтимоий тўловни ўз вақтида тўламаган санъаткорлар лицензиясидан маҳрум қилинади
Космик цивилизация: Илон Маск Марсни забт этишга доир режалари ҳақида
01:58 2041 Спорт
Конфедерациялар кубоги. Германия Чилини енга олмади
01:16 4988 Спорт
Ҳарри Поттер аслида иккита бўлганми?
01:01 5850 Жамият
Кўпроқ янгиликлар