Атрофга назар ташласак ёшлар учун яратилган имкониятларга ҳавас қиласан киши. Кимдир тадбиркор, кимдир эса жаҳонни лол қолдирган спорт устаси, бошқаси ихтирочи, кашфиётчи… Бугунги ёшлар битта фаолият билан чекланиб қолгани йўқ. Айниқса, ёш тадбиркор тушунчаси тобора кенгайиб бормоқда. Имкониятлар кўлами ҳам янада ортган. Бунинг учун ёшлар тадбиркорлигидаги имтиёзлар ва қонун-қоидалардан кераклича хабардор бўлиб борилса кифоя.

“Камолот” ёшлар ижтимоий ҳаракати таъсислигида ташкил этилган Республика ёшлар тадбиркорлигини қўллаб-қувватлаш Маркази ёш тадбиркорларимиз учун яна бир имконият манзилига айланди. Шошилинг, Марказ хизмат кўрсатишни бошлади.

Ҳурматли ёш тадбиркорлар! Сизнинг муаммо, ташаббус ва таклифларингизни тинглаш ва амалий кўмакчи бўлиш учун Республика ёшлар тадбиркорлигини қўллаб-қувватлаш Маркази доимий алоқада.

Республика ёшлар тадбиркорлигини қўллаб-қувватлаш Марказининг асосий мақсади: Ёшларнинг мамлакатда амалга оширилаётган иқтисодий ислоҳотларда иштирокини янада фаоллаштириш, ёшлар тадбиркорлигини қўллаб-қувватлаш, ёшларда тадбиркорлик кўникмаларини шакллантириш ва уларни ҳаётга тадбиқ этишига кўмаклашиш ҳамда ёшлар томонидан тадбиркорлик фаолиятларини бошлашларига амалий ёрдам беришдан иборат.

Манзил: “Камолот” ЙИҲ Марказий Кенгаши биноси
Мурожаат учун тел: (+99895) 170-90-34