Касб-ҳунар коллежларида иккинчи мутахассислик бўйича ўқув курслари ташкил этилади

Жамият 05 Январь 2017 10409

Ёшларни қўшимча касб-ҳунар ўрганишларини ташкил этиш, уларнинг қонуний ҳуқуқларини таъминлаш, меҳнат бозорида малакали мутахассислар салмоғини ошириш ҳамда уларни ўз мутахассислиги бўйича иш билан банд қилиш бўйича Ўрта махсус, касб-ҳунар таълим маркази томонидан иш берувчи корхона ва ташкилотлар билан ҳамкорлик ишлари мустаҳкамланиб борилмоқда. 

Ёшларга ўзлари қиззиқан меҳнат фаолияти билан шуғулланишлари учун зарур бўладиган касбий билимларни ўрганиш имкониятини кенгайтириш мақсадида касб-ҳунар  коллежларида 140га яқин касблар бўйича тўлов-шартнома асосида ўқитиш йўлга қўйилмоқда. 

2016 йил 28 декабрь куни ёшларга касб-ҳунар ўргатиш мақсадида Ўзбекистон Республикаси Вазирлар Маҳкамаси томонидан касб-ҳунар коллежларига умумий ўрта маълумот (11-синф) ва ўрта махсус, касб-ҳунар маълумотига эга шахсларни тўлов-шартнома асосида қабул қилиш режалари тасдиқланди. Бу борада Ўрта махсус, касб-ҳунар таълими марказининг буйруғи қабул қилинди. 

Касб-ҳунар коллежларидаги ушбу ўқув курслари умумтаълим мактабларининг 11-синфини, академик лицейларни тамомлаганлар ёки бошқа йўналишдаги касб-ҳунар коллежларини тамомлаб, иккинчи мутахассислик олиш истагидаги ёшлар учун  яхши имконият саналади. 

Касб-ҳунар коллежларида ўқишни хоҳловчи ёшлар касб-ҳунар коллежларига қуйидаги ҳужжатларни тақдим этишлари керак бўлади:

•    Касб-ҳунар коллежи директори номига ариза;
•    маълумоти тўғрисида давлат намунасидаги диплом ва диплом иловаси ёки умумтаълим мактабининг 11-синфини тамомлаганлиги тўғрисидаги аттестати (асл нусхаси);
•    3,5 x 4,5 см ҳажмдаги 6 дона фотосурат;
•    № 086-У шакл бўйича тиббий маълумотнома;
•    паспорт ва ҳарбий хизматга алоқадорлиги ҳақидаги ҳужжат нусхаси.

Қабул режаси билан Ўрта махсус, касб-ҳунар таълими марказининг интернетдаги расмий веб сайти (www.markaz.uz) орқали танишиш мумкин. 
Эслатиб ўтамиз, умумтаълим мактаблари 9-синф битирувчиларининг академик лицей ва касб-ҳунар коллежларида амалдаги тартиб асосида 3 йил давомида бепул таҳсил олиш имкониятлари сақлаб қолинган. 

Кун янгиликлари
Рамазонга тааллуқли миш-мишлар ҳақида
19:44 / 17.01.2017 39181 Жамият
Ўзбекистон фуқароларига Ҳаж зиёратига боришда баъзи чекловлар қўллангани ҳақидаги хабарларга изоҳ берилди
19:32 / 17.01.2017 40938 Ўзбекистон
Тошкентда инновацион технопарклар ташкил этилади
17:32 / 17.01.2017 10047 Ўзбекистон
ОТБ Ўзбекистонда иккинчи қуёш станциясини ҳам молиялаштириши мумкин
Қаҳрамон Қуранбоев Президент Давлат маслаҳатчиси ўринбосари лавозимига тайинланди
Россия Ўзбекистонга божсиз нефть етказиб беришни рад этди
Нью-Йоркда Трампнинг болалиги ўтган уй сотувга қўйилди
10:12 1156 Жаҳон
Лавров: Ўзбекистон билан муносабатлар чуқурлашишига хайрихоҳмиз
Боливияда автобус иштирокида рўй берган ЙТҲ оқибатида 13 киши ҳалок бўлди
10:06 567 Жаҳон
Ўзбекистон ва Қирғизистон чегарага оид масалаларни ҳал қилиш учун ишлашда давом этишга келишиб олди
Кўпроқ янгиликлар