Мексикадаги бозорлардан бирида отишма чиқди

Жамият 05 Январь 2017 2186

Бир неча номаълум шахс Мексиканинг курорт шаҳри ҳисобланмиш Акапулькодаги бозорлардан бирида отишма бошлаши оқибатида 6 киши ҳалок бўлди.

Герреро штати хавфсизлик хизмати тарқатган хабарга кўра, камида 3 нафар қуролланган шахс бозор ҳудудига кириб келиб, отишма бошлаган.

Бозордагиларнинг 5 нафари воқеа жойида ҳалок бўлган, яна бир аёл шифохонага олиб борилгач, жон берган.

Айни вақтда ҳодиса бўйича текширувлар олиб борилмоқда.

Герреро штати - Мексиканинг жиноятчилик авж олган ҳудудларидан бири ҳисобланади. Бу ҳудудда АҚШга наркотик моддалар олиб борувчи жиноий гуруҳлар ҳаракатланади. Айнан шу штат ҳудудида 2014 йилнинг сентябрида намойишга чиққан 43 нафар талаба бедарак йўқолган, кейинроқ маълум бўлишича полициячилар томонидан ўғирлаб кетилган бу талабалар Игуала шаҳридаги бандитларга топширилган, жиноятчилар эса талабаларни ўлдириб юборган.

Кўпроқ янгиликлар