Venesuela prezidenti Nikolas Maduro agar o‘zi iste'foga ketadigan bo‘lsa, uning o‘rnini egallaydigan yangi vitse-prezidentni tayinladi, deb xabar bermoqda "Frans Press" axborot agentligi.
Maduro telemurojaat vaqtida mamlakat shtatlaridan birining gubernatori 42 yoshli Tarik Al-Ayssamiyni vitse-prezident lavozimiga 2017-2018 yillarga tayinlaganini ma'lum qildi.
Bundan tashqari, Reuters axborot agentligi ma'lumotlariga ko‘ra, Maduro iqtisodiyot va moliya vaziri lavozimiga Ramon Loboni, neft sanoati vaziri lavozimiga esa Nelson Martinesni tayinlagan.
Venesueladagi inqiroz muxolif parlament ishi boshlangandan keyin murakkablashdi. Hozirda qonunchilik va ijrochi hokimiyat o‘rtasida hech qanday o‘zaro aloqa yo‘q. Prezident muxolifatni "parlament to‘ntarishini" amalga oshirishga urinishda ayblamoqda, parlament esa prezident tomonidan konstitutsiya buzilganini aytmoqda.
