6400 АҚШ долларини фирибгарлик йўли билан қўлга киритган шахс 6 йилга қамалди

Жамият 06 Январь 2017 5615

Бирор-бир фойдали меҳнат билан шуғулланмасдан, ўзига фирибгарлик билан пул топишни касб қилиб олган Мансур Холиқов (исм-фамилиялар ўзгартирилган) бир неча бор судланди. Ўзбекистон Республикаси Олий Мажлиси Сенатининг амнистия тўғрисидаги қарорига асосан унга нисбатан жиноят ишлари ҳаракатдан тугатилиб, жазодан озод этилганида ҳам ўзига тегишли хулоса чиқармади.

“Ҳуқуқ” газетасининг ёзишича, у 2015 йилнинг баҳор ойида Ангор туманида яшовчи бир неча фуқарога ўзини ҳуқуқни муҳофаза қилувчи идора ходими, деб таништириб, фириб беришда давом этди.

У шу йўл орқали кўпчиликнинг ишончига кириб, танишлари орқали талабгорларни корхона ва ташкилотларга, олий ўқув юртларига ўқишга киритишни ваъда қилиб, турли миқдордаги пул маблағларини қўлга киритиб келди.

Хусусан, фуқаролар Э.Давлатовдан 100 АҚШ доллари ва 900 минг сўм, А.Қаршиевдан 1300 АҚШ доллари, Н.Қурбоновадан 3000 АҚШ доллари, Э.Раҳмоновдан 2000 АҚШ доллари ва 2 млн. 400 минг сўм, Л.Намозовадан 3 млн. 600 минг сўм, А.Дониёровдан 11 млн. 500 минг сўм ва бошқалардан жами 6400 АҚШ доллари ва 24 млн. 200 минг сўм пул маблағларини фирибгарлик йўли билан қўлга киритиб, шахсий эҳтиёжларига ишлатиб юборди.

Олиб борилган тезкор-суриштирув тадбирларида М.Холиқов қўлга олиниб, СВОЖЖДЛҚК департаментининг Ангор туман бўлими томонидан унга нисбатан Ўзбекистон Республикаси ЖКнинг тегишли моддалари билан жиноят иши қўзғатилди.
Жиноят ишлари бўйича Ангор туман судининг ҳукмига кўра М.Холиқов айбдор деб топилиб, 6 йилга озодликдан маҳрум қилинди.
 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34342 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72622 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10606 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136911 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 260 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 1105 Жамият
Виталий Денисов футболга қайтганидан хурсанд
02:29 602 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 795 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар