АҚШ терма жамоаси хоккей бўйича ёшлар ўртасидаги жаҳон чемпионатида Канада термасини мағлуб этиб, ғалаба қозонди.

Финал учрашувининг асосий вақти 4:4 ҳисоби билан якунланди. Мусобақа ғолиби буллитлар сериясида аниқланди – унда америкаликларнинг қўли баланд келган. 

Маълумот учун, америкаликлар хоккей бўйича ёшлар жамоалари ўртасида тўртинчи бор жаҳон чемпионига айланди. Бунга қадар улар 2004, 2010 ва 2013 йилларда ғалаба қозонишган.

Мусобақада учинчи ўрин Швецияни мағлубиятга учратишга муваффақ бўлган Россия термасига насиб этди.