Туркия пойтахти Анқара шаҳридаги ўн йилдан ортиқ вақт мобайнида қурилган Keçiören (Кечиўран) метро йўналиши ниҳоят фойдаланишга топширилди. Унинг тантанали очилиш маросимида президент Ражаб Тоййиб Эрдўған ва бош вазир Бинали Йилдирим иштирок этган. Бу ҳақда www.dailysabah.com нашри ёзмоқда

Кечиўран метро йўналиши 9 километрдан ортиқроқ масофага чўзилган бўлиб, унинг қурилиш ишларига 1 млрд турк лираси (276 миллион АҚШ доллари) миқдорида маблағ сарфланган. 

Анқара шаҳар фуқаролари томонидан узоқ вақтдан буён кутилаётган метро 15 январга қадар бепул хизмат кўрсатади. Кечиўрандан бошланган метро йўналишида 9 та бекат барпо этилган. У Отатурк Маданият марказига келиб туташади. Мазкур йўналишда кунига 50 минг йўловчига хизмат кўрсатилиши тахмин қилинмоқда.