Bentley компанияси тўрт ўриндиқли дунёдаги энг тез автомобиль – Continental Supersports купесини тақдим қилди. Янги машина жойидан 100 км/соат тезликкача 3,4 сонияда эришади, максимал тезлиги эса соатига 336 км ни ташкил қилади. Машина жаҳон бозорида 2017 йил 1-чорагида пайдо бўлади.  

Купе 6 литрли, 12 цилиндрли мотор билан жиҳозланади. Двигатель 700 от кучи беради. Шундай двигатель Volkswagen концернининг бир қатор моделларида, жумладан Bentley Bentayga кроссоверида ўрнатилади. Моторнинг унумдорлиги катта турбоҳайдагичлар ва яхшиланган совитиш тизими қўлланиши ҳисобига 100 от кучига оширилган.