Канадалик аёл Facebook орқали Эрдўғанни танқид қилгани учун ҳибсга олинди

Жамият 06 Январь 2017 7223
Фото: EPA

Туркия ҳуқуқ-тартибот органлари Facebook ижтимоий тармоғи орқали мамлакат президенти Ражаб Тойиб Эрдўғанни танқид қилган Канада фуқароси бўлган аёлни қўлга олди. Бу ҳақда The Canadian Press хабар тарқатди.

Маълум қилинишича, Канада ва Туркия фуқаролигига эга 50 ёшли Иси Ҳипер 2016 йилнинг 30 декабрь кунида мамлакат шимоли-шарқидаги Карс шаҳрида қўлга олинганди. Ҳипер хонимнинг адвокати Биржит Павичнинг айтишича, унинг мижози бунга асос бўлган фикрларини 28 декабрь куни ижтимоий тармоқда қолдирганди.

Ҳипер хоним Эрдўғанни "Туркиянинг ИШИДга алоқадорлигини исботлашга уринган журналистларни қамоққа ташлаш"да айблаганди.

Маълум бўлишича, Ҳипер хоним 2016 йилнинг ноябрида Туркияга келганди. Канада ТИВ ўз фуқаросининг Туркияда ҳибсга олинганидан хабардор ва унга консуллик хизматлари кўрсатилади.

Кўпроқ янгиликлар