Кот-д'Ивуарда ҳарбийлар исён кўтарди

Жаҳон 06 Январь 2017 5837
Фото: Reuters

Кот-д'Ивуар ҳукумати мамлакатнинг 3 шаҳрида ҳарбий хизматдан бўшатилган аскарлар исён кўтаргани ҳақида маълум қилди.

Associated Press агентлиги хабарига кўра, 6 январь тонгида мамлакатнинг иккинчи йирик шаҳри ҳисобланмиш Буаке шаҳрида тартибсизликлар бошланган. Кун бўйи шаҳарда отишмалар давом этган. Қайд этилишича, аскарлар маошлар оширилишини талаб қилишган.

Кейинроқ бундай ҳолатлар Далоа ва Коргоҳо шаҳарларида такрорланган. Гувоҳларнинг маълумотларига кўра, кўчалар бўйлаб қуролланган кишилар юриб ўтган, хавфсизлик хизмати кучлари эса ўз постларини ташлаб кетган.

Reuters агентлиги маълумотига кўра эса, Буаке шаҳрини ҳарбий хизматдан бўшатилган аскарлар эгаллаб олган. Ҳарбий манба маълумотига кўра, собиқ ҳарбий хизматчилар полиция участкаларига ҳужумлар уюштириб, қуролларни тортиб олишган. Далоадаги ҳарбий лагерда отишма келиб чиққан. Бу ерда ҳам тартибсизликлар ҳарбий хизматдан бўшатилган аскарлар томонидан содир этилгани айтилган.

Агентлик хабарида қайд этилишича, исён тўлқини мамлакатда бўлиб ўтган парламент сайловлари билан боғлиқ бўлиши мумкин. Шу билан биргаликда ҳарбийлар ўз талабларини баён қилишмаган, шунингдек, исён кўтарилган шаҳарлар орасидаги боғлиқлик ҳам қайд этилмаган.

Бу мамлакатда худди шундай исён 2014 йилда ҳам бўлиб ўтганди. Ўшанда аскарлар мамлакат бўйлаб бир неча шаҳарда баррикадалар ўрнатган ва маошлар оширилишини талаб қилганди. Ҳукумат уларнинг талабларини бажарганди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28239 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15065 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56178 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1158 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1013 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 3608 Жамият
Германияда Трамп боши шаклидаги гиёҳванд моддали таблеткалар аниқланди
00:21 986 Жаҳон
Сербия Ҳиндистон ва Эрон фуқаролари учун визани бекор қилди
00:18 915 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1250 Жаҳон
Кўпроқ янгиликлар