15 январь куни Яқин Шарқ масаласига боғлиқ Парижда ўтадиган халқаро анжуман Фаластин-Исроил муносабатларининг яхшиланишига хизмат қилиши мумкин. Бу ҳақда Фаластин президенти Маҳмуд Аббос исроиллик олим ва сиёсий фаоллар билан ўтказган учрашувида айтиб ўтган.

«Биз музокаралар орқали тинчликка эришишни ва ўзга чораларни қўлламасликни истаймиз. Зўравонлик, террорчилик ва экстремизмнинг ҳар қандай аломатларига қарши чиқамиз», - деди Аббос.

Президентнинг сўзларига кўра, исроиллик сиёсий фаоллар билан учрашувнинг ўтказилиши ҳам тинчликка эришиш борасида исроилликлар орасида буни истовчилар етарли эканлигининг ёрқин далилидир.