Швейцария суди Нидерландия ва Бангладеш касаба уюшмалари Қатардаги ЖЧ-2022 иншоотларини қуриш чоғида ишчилар ҳуқуқининг поймол этилиши юзасидан ФИФА ташкилоти устидан берилган даъвони рад қилди. Бу ҳақда ФИФА сайтида хабар берилган.

«ФИФА Цюрих шаҳрининг арбитраж суди қарорини маъқуллайди. ФИФА меҳнат шароитлари масаласига жиддий эътибор қаратади ва вазиятни кузатиб боради. Ташкилот Қатар ҳукуматини ишчиларнинг хавфсизлиги ва муносиб меҳнат шароитларига жиддий эътибор қаратишга чақиради» - дейилган баёнотда.

Эслатиб ўтамиз, ЖЧ-2022 турнири 21 ноябрь – 18 декабрь кунлари Қатарнинг 7та шаҳрида, Доҳа, Лусайл, Ал-Вақра, Ал-Хор, Ал-Райян, Умм-Салал ва Мадинат-аш-Шамалда ўтказилади.