Бахтсиз кишилар қандай одатларидан халос бўлишлари керак?

Lifestyle 07 Январь 2017 15744

Ҳар биримизнинг ҳаётимизда оғир кунлар бўлиб туради. Ишлагимиз келмайди, кўча-кўйда оёқларимизни босиб олишади, севимли итимизнинг ҳаракатлари ҳам ортиқчадек кўринади. Бироқ диққатни шунда тўхтатиш шартмикан? Диққатини салбий жиҳатларда тўхтатадиган кишиларнинг ташхиси - ўз-ўзидан сурункали норозилик ҳисси. Trendymen нашри бахтсиз кишилар йўл қўядиган бир неча хатоларга ишора қилди. Уларни имкон қадар четлаб ўтинг!

Ўзгартириб бўлмайдиган нарсалар ҳақида қайғуриш - шахснинг биполяр бузилишига олиб келувчи омил. Ҳаммамиз ҳам баъзан "Агар бундай қилганимизда, ундай бўларди", дея ўйланиб қоламиз. Шуни ёдингизда тутингки, бу йўлнинг охири берк. Бахтсиз кишилар ана шундай бемаъни хаёлларга бажонидил берилишга мойил бўлишади. Бўладиган иш бўлди ва олдингиздаги ягона вазифа - бундан тегишли хулоса чиқариш ҳамда ушбу ҳаётий сабоқни ёдда сақлаш. Кейинги сафар ақл билан иш тутасиз.  Агар шундай қилиш қўлингиздан келмаса, вақт машинаси ихтиро қилинишини кутишдан ўзга чорангиз йўқ. 

Қийинчиликнинг илк белгилариданоқ енгилиш осон. Бахтсиз киши муаммо юзага келиши биланоқ қўлларини боши орқасига қўйиб, ётиб олади - бу бир қарашда жуда осон, ахир. Аслида ҳар бир "енгилиш" қўнгилда оғир мағлубият ҳиссини пайдо қилади. Бошқача йўл тутганингизда вазият мутлақо ўзгача бўлиши мумкинлиги ҳақидаги ўй-хаёллар умрбод сизга тинчлик бермайди. Ўзингизни  енгиб, ғалабага эришиш учун имкон қадар ҳаракат қилинг. 

Ҳамма нарсани ўзига ҳаддан зиёд яқин қабул қиладиганлар, қоидага кўра, ҳаётга ҳам шундай муносабатда бўлишади. Ҳаётда бемаъни ҳодисалар шу қадар кўп бўладики, уларни ҳазил-ҳузул билан енгиб ўтган инсонгина ютиб чиқади. Атрофда бўлаётган воқеаларни "Оббо, нима учун айнан мен?" қабилида қабул қилиш бемаъни ва аҳмоқона ўй-хаёлларга олиб келади. 

Бошқалар нима деб ўйлайди? Мен тўғри йўл тутдимми? Кўринишим қандай? - шу каби ўй-хаёллар қанча вақт ва куч-қувватингизни олишини бир ўйлаб кўринг-а?! Ўзингизни бўш қўйинг, сизнинг хатти-ҳаракатларингизнинг аксариятига бировлар эътибор ҳам бермайди. Сиз қилишингиз керак бўлган ишни бажаринг, атрофингиздаги ҳар бир кишининг  фикрига қулоқ тутиш шарт эмас. 

Бахтсиз кишилар спорт билан шуғулланишмайди. Уларнинг бунга вақти ҳам йўқ: ҳаёт бошқача кечганда қандай бўлиши ҳақида ўйлаш ёки ўз-ўзига атрофдаги  ноҳақликдан нолиш керак, ахир! Аслида эса спорт сизнинг ақлий ва жисмоний саломатлигингизни чархлайди. У билан қанча кўп шуғуллансангиз, ўзингизни шунча яхши ҳис қиласиз. Кўпроқ куч-қувват, кўпроқ бахт - қоидаси оддий. 


 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27415 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14441 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55618 Жамият
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 16 Жаҳон
Миробод бозорида пулларни нақдловчи банкомат ишга тушди
23:18 810 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 665 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 537 Жаҳон
Маошни оширишни қачон сўраган маъқул?
22:47 1843 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 4364 Жаҳон
Xiaomi янги ҳамёнбоп смартфонини тақдим этди
Кўпроқ янгиликлар