Прокуратуранинг бугунги фаолияти талабга жавоб берадими?

Ўзбекистон 07 Январь 2017 14853

Ўзбекистон Республикаси Президенти Шавкат Мирзиёев 2017 йил 7 январда Прокуратура органлари ходимлари куни олдидан бир гуруҳ соҳа ходимлари билан учрашди. Мажлисда Олий Мажлис палаталари раҳбарлари, ҳукумат аъзолари, давлат ва жамоат ташкилотлари вакиллари, прокуратура органлари масъул ходимлари ва фахрийлари иштирок этди. 

Давлатимиз раҳбари адолат тушунчаси, прокуратуранинг бугунги фаолияти, унинг асосий вазифаларига тўхталиб ўтди. 

“Халқимиз ҳамма нарсадан устун қўядиган адолат туйғусини қарор топтириш бугунги кунда энг асосий вазифамизга айланиши шарт. Биз барпо этаётган ҳуқуқий давлатда адолатсизликнинг ҳеч қандай кўринишига йўл қўймаслик даркор. Негаки, одамлар ҳамма нарсага чидаши мумкин, лекин адолатсизликка чидай олмайди. Бу чуқур маъноли сўзлар бугунги кунда ҳар қачонгидан ҳам кўра муҳим ва долзарб аҳамият касб этаётганини сезиш ва англаш қийин эмас, албатта. 

Ислоҳотларни самарали амалга оширишни таъминлаш йўлида “прокуратуранинг бугунги фаолияти талабга жавоб берадими?” деган савол турибди. Олдимизда кўндаланг турган мана шу мураккаб ва оғир саволга биз жавоб топишимиз керак. Шу ўринда яна бир савол туғилади – нима учун кўрилаётган чораларга қарамай, қонуннинг бузилиш ҳолатлари кескин камаймаяпти?”, - деди Ш. Мирзиёев.  

Шу ўринда Ш. Мирзиёев сўнгги ҳисоботларга диққатни қаратиб, кейинги икки йилда прокуратура органлари томонидан 264 000дан ортиқ прокурор назорати ҳужжатлари қўлланганини қайд этди. 

“Бу рақамлар бир томондан олиб қараганда, прокуратура фаолиятида олиб борилаётган кенг миқёсли ишлардан далолат беради, айни вақтда афсус билан айтиш керакки, кўп ҳолларда қонун устуворлигини таъминлаш бўйича прокурор назорати ҳуқуқбузарлик содир этилгандан кейингина намоён бўлади. Бир сўз билан айтганда, асосий эътибор ҳуқуқбузарликларни барвақт аниқлаб, уларнинг олдини олишга эмас, балки оқибатлари билан курашишга қаратилмоқда”, - деди Ўзбекистон раҳбари. 

“Конституция бўйича сизларнинг энг катта вазифангиз қонун устуворлигини таъминлашдан иборат. Биз аввал профилактика ишларини бажармаймиз, ҳар бир жиноятнинг келиб чиқиш сабабига етмаймиз. Фуқароларнинг ҳуқуқ ва эркинликларини таъминлаш масаласи бундан буён ҳам диққатимиз марказида бўлиши керак, бунинг учун эса суд-ҳуқуқ соҳасида ислоҳотларни изчил давом эттиришимиз лозим. Ана шу ислоҳотлар жараёнида прокуратура фаол иштирок этиши, авваламбор фуқароларнинг ижтимоий ҳуқуқларини таъминлашга қаратилган назорат фаолиятини кучайтириши керак”, - дея таъкидлади давлатимиз раҳбари. 

Tas-IX

Кун янгиликлари
Сиз сўнгги марта қачон тиббий текширувдан ўтдингиз?
11:11 13186 Жамият
Талаба бўлишни истаганлар учун институтга бепул тайёрланиш имконияти яратилди
09:18 20600 Lifestyle
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 84963 Жамият
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 14327 Ўзбекистон
Ҳиндистонда қуёш панелларига эга илк поезд ишга туширилди (фото)
Халқ сарсон: Мутасаддилар, гапиринглар, ўқувчи мактабда қолсинми ёки коллежга борсин?
20:55 4281 Жамият
Йилнинг 1-ярмида истеъмолчилар фойдасига 2 млрд сўмлик етказилган зарар қайта ҳисоб-китоб қилинди
20:37 1631 Жамият
Бин Лодин, Жиноят, Қамоқ: Озарбойжонда болаларни қандай исмлардан қутқаришмоқда
19:57 4287 Жамият
Анқара терроризмни дастаклашда гумон қилинаётган немис компаниялари рўйхатини қайтариб олди
19:54 1183 Жаҳон
Ноқонуний равишда ер қаъри ва норуда фойдали қазилмаларни қазиб олганлар фош этилди
19:39 4969 Жамият
Кўпроқ янгиликлар