Ўзбекистонлик аёл ҳали-ҳануз фарзанди билан кўриша олмаяпти

Жамият 07 Январь 2017 25572
Фото: Facebook/bakhrom.ismailov

"Кунцево" ИИБ ходимлари ўзбекистонлик Нилуфар Мамасаидовадан 1 ёшли қизини тортиб олишгани ҳақида хабар берилган эди. Қизча мана 12 кундирки, Москвадаги 1-сонли шаҳар шифохонасининг юқумли касалликлар бўлимида бўлиб, она парваришига муҳтож. Бу ҳақида Нилуфарнинг адвокати Баҳром Исмоилов маълум қилди. 

Адвокатнинг сўзларига кўра, полиция ходимлари қизчани қаровсиз қолган бола сифатида қайд этишган ва шунга доир ҳужжат тузишган ҳамда шу ҳужжат асосида болани шифокорлар қўлига топширишган.  

Дастлаб шифокорлар Нилуфарга шахсини тасдиқловчи ҳужжатлар билан келган тақдирда, боласи билан кўришиши мумкинлигини айтишган. У Ўзбекистон элчихонаси томонидан берилган маълумотнома билан шифохонага келган, бироқ шифокорлар барибир онага болани  кўрсатишмаган. 

"Болани қайтариш ва у билан мулоқот қилишга қаршилик қилишди, зеро ҳужжатларда боланинг гўёки қаровсизлиги туфайли тортиб олинганлиги қайд этилган. Уларга кўра, бола ота-онасиз топилган, бу эса ҳақиқатга умуман тўғри келмайди, чунки Ўзбекистон фуқароси полицияга бола билан бирга келган. Шунга қарамай, ҳужжат ёлғон маълумотлар асосида тузилган. Энди эса аёл ушбу ҳужжатни бекор қилишга эришиш учун васийлик органлари хулосасини кутишга мажбур", - дея изоҳ беради Исмоилов Facebook саҳифасидаги ОАВ учун қолдирган баёнотида. 

Вазият билан яқиндан таниш бўлган мустақил журналист Соҳиба Ҳайитбоеванинг сўзларига кўра, қизча она парваришига муҳтож, чунки Нилуфар қизини она сути билан боққан. 

Унинг сўзларига кўра, журналист боланинг аҳволини билиш мақсадида шифохонага шифокор Фотима Бўронова ҳамроҳлигида борган, бироқ шифокорлар ҳатто унга ҳам болани кўрсатишмаган. Нилуфарнинг турмуш ўртоғи Россиядан депортация қилинганлиги туфайли депрессия ҳолатида эканлиги қайд этилган. Аёлнинг ўзи эса бола билан кўришиш имконининг йўқлиги сабаб доимий руҳий босим остида. 

"Наҳотки, бола кимнинг фарзанди эканини аниқлаш мумкин бўлмаса? Нилуфар менга телефонида боланинг туғилган пайтидан бошлаб, то бугунги кунгача бўлган даврдаги суратларини кўрсатди. ДНК таҳлили орқали аниқлаш мумкин-ку, ахир", - дейди Соҳиба Ҳайитбоева. 

Журналистнинг сўзларига кўра, бугун Нилуфарнинг адвокати шу масалада прокуратурага мурожаат қилиб, болани онасига қайтариш учун имкон борича ҳаракат қилади. 

Бундан авввал асли андижонлик бўлган Нилуфар икки йилдан бери Москвада яшаётгани ва унинг фарзанди Россия ҳудудида туғилгани ҳақида хабар берилганди. 2016 йил декабрь ойининг охирида ҳужжатлар йўқолганини билган аёл Кунцево туманидаги ИИВ бўлимига шу масала бўйича мурожаат қилган. 

Полиция ходимлари Нилуфар Мамасаидованинг шахсини тасдиқловчи ҳужжатлари йўқлигига асосланиб, қизчани тортиб олишга қарор қилишган, Ўзбекистон фуқаросининг ўзини эса уч суткага тергов изоляторига жойлаштиришган. 

Бу ишга ҳуқуқ ҳимоячиси Баҳром Исмоиловдан ташқари Ўзбекистоннинг Москвадаги элчихонаси ва РФ президентининг болалар ҳуқуқлари бўйича ваколатли ходими Анна Кузнецова жалб қилинган. Кузнецова ҳозир энг асосийси - Ўзбекистон фуқаросига фарзандини қайтариш учун барча шароитларни яратиш зарурлигини таъкидлаган. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34342 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72622 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10606 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136911 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 260 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 1105 Жамият
Виталий Денисов футболга қайтганидан хурсанд
02:29 602 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 795 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар