Японияда захм (сифилис) жинсий касаллиги билан касалланиш миқдори 77 фоизга ошиб кетди, деб маълум қилди Япония соғлиқни сақлаш, меҳнат ва фаровонлик мутахассислари маълумотларига иқтибос келтирган ҳолда "Киодо" ахборот агентлиги. 

Мутахассислар мамлакат шифохоналари статистикасидан фойдаланиб, 2016 йил декабри бошида захм касали ташхиси қўйилган касаллар сони 4259 нафарга етганини ҳисоблаб чиқишган, ваҳоланки 2015 йилда бундай касаллар 2412 нафар бўлган. Тадқиқотда таъкидланишича, захмнинг онадан болага ўтиш ҳолатлари кўпайиб кетган. Аввал Японияда бундай ҳолатлар камдан-кам учраган.

Мамлакатда захмнинг кескин кўпайиб кетиши сабаблари охиригача аниқланмаган, бироқ бу асосан ёшлар ўртасида жинсий муносабатлардаги ўзгаришлар, жинсий йўл билан ўтадиган касалликлар кўрсаткичи юқори бўлган давлатлардан сайёҳларнинг кўпайиши билан боғланмоқда.

Ахборот агентлиги маълумотларига кўра, захмнинг тарқалиши Токионинг Синдзюку туманида авж олган, чунки бу ерда тунги ҳаётнинг кўплаб кўнгилочар масканлари мужассамлашган.