Damashqda portlash sodir bo‘ldi, qurbonlar bor

Suriyaning Damashq viloyati shimolida, Sasaa qishlog‘i hududida portlovchi qurilma o‘rnatilgan avtomobil portlatilishi oqibatida 5 kishi halok bo‘ldi. Bu haqda politsiyadagi manbasiga asoslangan holda SANA agentligi xabar tarqatgan.

Manba ma'lumotiga ko‘ra, terakt oqibatida yana 15 kishi turli darajadagi tan jarohatlari olgan. Ularning ba'zilari og‘ir ahvolda qolmoqda.

7 yanvar kuni Suriyaning Aazaz shahrida kuchli portlash amalga oshirilgan, ushbu terakt 60 kishini hayotdan olib ketgan, shuningdek 100dan ortiq kishi jarohatlangandi.