Франция шарқида рўй берган йўл-транспорт ҳодисаси оқибатида камида 5 киши ҳалок бўлиб, 27 киши жароҳатланди. Бу ҳақда Creusot Infos хабар тарқатди.

Хабар қилинишича, бу ҳодиса Сона ва Луара департаментларини боғловчи йўлда содир бўлган. Португалиялик 40 нафар киши минган автобус Швейцарияга йўл олганди. Ҳайдовчи йўлда бошқарувни йўқотган. Воқеа жойига ўт ўчирувчилар, қутқарувчилар ва тиббиёт ходимлари етиб борган. Жароҳатланганлардан икки нафари оғир аҳволда экани айтилмоқда.

Йўл-транспорт ҳодисасига йўлнинг музлагани сабаб бўлгани тахмин қилинмоқда.