Швецияда 6 соатлик иш куни жорий этиш ғояси тажрибадан ўта олмади

Жамият 08 Январь 2017 3178

Швециянинг Ҳётеборг шаҳрида 2 йиллик тажриба натижаларига кўра, 6 соатлик иш кунини жорий этиш ғоясидан воз кечилди.

TJournal хабарига кўра, Ҳётеборг шаҳри ҳокимияти давлат ташкилотлари ходимларини 6 соатлик иш кунига ўтказиш бўйича 2 йиллик тажриба натижаларини ҳисоб қилган. Хабар қилинишича, бу ташаббус катта харажатларни талаб этиши аниқлангани ва тажрибадан ўта олмаган. 

2015 йилда Швециянинг айрим компаниялари маошни тўлиқ сақлаган ҳолда ходимларини 6 соатлик иш кунига ўтказаётгани ҳақида хабарлар берилганди. Тажрибалар IT-фирмалар томонидан, мутахассисларнинг маъқуллашидан кейин йўлга қўйилганди. Тажриба давомида аниқланишича, ходимлар ижтимоий тармоқларда камроқ вақт ўтказа бошлади, почтани текшириш учун кам вақт сарфлайдиган бўлишди ва бевосита хизмат вазифаларини бажаришга кўпроқ вақт ажратишиши кузатилиб, уларнинг иш самарадорлиги ҳам ошди. Хусусий компаниялар тажриба натижаларидан мамнунлигини билдирганди.

Ўшанда Ҳётеборгнинг давлат муассасалари ҳам тажрибада иштирок этишга қарор қилганди. 2 йил давомида 6 соатлик иш куни Svartedalen номли қариялар уйида синаб кўрилган. Шу йилнинг январь ойи бошида ҳокимият вакиллари тажриба тўхтатилиши ва бошқа муассасаларга жорий этилмаслиги ҳақида маълум қилди.

Шунга қарамасдан, таъкидланишича, ходимлар ўз вазифаларини сидқидилдан бажара бошлаган. Аммо иш самарадорлигини таъминлаш учун қўшимча тарзда ходимлар ёллашга тўғри келган. Ишчилар сони ошиши эса қўшимча харажат демакдир.

Шаҳар ҳокимияти вакилларининг сўзларига кўра, шаҳардаги муассасаларни 6 соатлик иш режимига ўтказиш учун шаҳар ҳукуматдан молиявий ёрдам сўрашига тўғри келади.

Тажриба ўтказилган қариялар уйида 68 ҳамширанинг иш вақти қисқартирилгани учун қўшимча тарзда яна 17 ҳамшира ёллашга тўғри келган, бу эса 1,3 миллион доллар ортиқча харажатни талаб этган.

Ҳётеборг ҳокимияти шаҳардаги хизматчилар учун 6 соатлик иш куни жорий этиш «имконсиз иш»лиги ҳақида маълум қилган.

Кун янгиликлари
Исоқжон қори Бегматов: “Намоз ўқимасанг рўзанг қабул бўлмайди, дейиш мутлақо нотўғри”
00:39 32477 Жамият
Mirobod Elit - пойтахт марказида оилангиз учун муносиб совға
16:29 / 21.06.2017 15100 Жамият
Италиядаги супермаркетлар тармоғи мижозларга 1,5 мингта Fiat совға қилди
Парижда исроилликларнинг электрон самолёти намойиш қилинди
Брюсселда Европа Иттифоқининг икки кунлик саммити очилди
21:24 76 Жаҳон
Порошенко Саакашвили Украина учун ҳеч қандай муҳим иш қилмаганини айтди
21:21 310 Жаҳон
Тошкент йўлларидаги қоидабузарлар ва қарздорлар орасида аёллар етакчи
21:19 481 Жамият
Роналду ҳеч кимга ҳеч қанча тўламоқчи эмас
21:02 1405 Спорт
Қирғизистон президенти Уфага етиб келди
20:49 1181 Жаҳон
Дайжест: Президент Фарғонада, қўшимча контракт нархлари, кетишга ҳозирланаётган Атамбоев ва куннинг бошқа хабарлари
20:44 1950 Жаҳон
Кўпроқ янгиликлар