АҚШнинг Москвадаги элчихонаси ўзи жойлашган бинодаги сув таъминотидаги муаммолар сабабли визалар беришни тўхтатди. Бу ҳақда элчихона сайтида маълум қилинди.

Маълум қилинишича, консуллик бўлими ноиммиграцион ва иммиграцион визалар бериш ва АҚШ фуқароларидан шошилинч бўлмаган сўровларни кўриб чиқиш билан боғлиқ хизматларни вақтинчалик кўрсатмайди. АҚШ фуқаролари бўлими фақат шошилинч сўровларни кўриб чиқади.

Элчихонада консуллик бўлими иши кейинги огоҳлантиришгача тўхтатилгани таъкидлаб ўтилган. Визага ариза берувчиларга www.ustraveldocs.com/ru сайтини кузатиб бориш тавсия қилинган.

Кейинроқ элчихона ўз фаолиятини бинода сув тошгани сабабли тўхтатгани ва уни 10 январь соат 8:30да қайта бошлашини маълум қилган. 

Ўз навбатида "Мосводоканал" матбуот хизмати АҚШ элчихонасидан сув таъминоти билан боғлиқ ҳеч қандай шикоятлар олинмаганини айтган.